Италијанската банка „Intesa Sanpaolo“ се соочува со проблеми при заемот за „Glencore“ и инвестицискиот фонд на Катар, со кој треба да се финансира купувањето на удел од нафтениот гигант „Роснефт“. Причината за тешкотиите се новите санкции против Русија.
Четири банкарски извори рекле за „Ројтерс“ дека западни банки, вклучувајќи ги и оние од САД и Франција, засега стопирале учеството во заемот за 5,2 милијарди евра, кој „Intesa“ го обезбеди минатата година.
„Intesa“ покани околу 15 банки да се приклучат на заемот кој беше отворен за синдикална соработка во мај. Заемот со слична големина обично трае помеѓу 4 и 6 недели за синдикатот, иако трансакциите кои што вклучуваат пазари во развој понекогаш може да потраат подолго.
Извори на банкарство велат дека нивните одделенија за согласност треба прво да дознаат до каде се новите санкции.
Тие додаваат дека синдикалноста го зголемува политичкиот ќор-сокак меѓу Катар и Саудиска Арабија. Банките преземаат повнимателен пристап кон зделки кои го вклучуваат Катар, бидејќи се плашат да не им наштетат на односите со Саудиска Арабија и другите три земји од Персискиот залив, вмешани во спорот.
„Синдикацијата е блокирана поради нови санкции против Русија. Новите санкции се толку сеопфатни, па тие сигурно ќе влијаат на сите слични трансакции, вклучувајќи ги руските државни компании“, вели извор на голема западна банка, поканета од „Intesa“ да се вклучи во овој проект.
„Intesa“, најголемата банка за малопродажба во Италија, одби да даде коментар. Банкарските извори побарале тие или банките да не бидат именувани, бидејќи немале дозвола да зборуваат за договорот и поради доверливост на разговорите меѓу банките и „Intesa“.
Минатиот месец Вашингтон воведе нови санкции за Русија во најсилниот потег против Москва во 2014-та година, по анексијата на Крим и интервенцијата во Источна Украина.
Новиот круг од санкции делумно беше реакција на заклучоците на американските разузнавачки агенции дека Русија се вмешала во претседателските избори во САД во 2016-та година. Санкциите ги разбија надежите за приближување меѓу Москва и Вашингтон.
Синдикатот имаше за цел да го намали ризикот за „Intesa“, кој досега има дадено цела сума на пари. Заемот му помогна на „Glencore“ и на „Qatar Investment Authority“ да купи 19,5 отсто од акциите во „Роснефт“, за кои руската влада вети дека ќе ги пополни буџетските дупки.
Италијанската влада вели дека заемот е компатибилен со новите санкции.
