Успешните претприемачи, бизнисот го започнуваат со добро изработена стратегија. Започнете со јасна стратегија и со јасна слика како сакате да ги остварите вашите цели и да ги остварите вашите планови.
Кога ќе имате јасна претстава за целите и планови со користење на тактики ќе бидете поефективни во водење на вашиот бизнис. Дали ја знаете вашата бизнис стратегија?
Залудни би биле сите обиди да започнете бизнис без цврста бизнис стратегија, а тоа значи: да ги придобиете вистинските луѓе, на вистинско место, со вистинските пораки и со вистинската понуда.
Следуваат 4 базични области за вашата стратегија:
Бизнис стратегија – Што сакате да постигнете со вашиот бизнис? Кој е вашиот план да постигнете успех со вашиот бизнис?
Маркетинг стратегија – Кои потрошувачи ќе бидат вашата целна група? Како да стигнете до нив? Како планирате да ги привлечете? Како планирате да се соочите со конкуренцијата?
Стратегија на позиционирање – Каде можете да ги најдете вашите потенцијални потрошувачи на интернет просторот? Како ќе им пристапите? Каква веб страна ќе подготвите и кои други веб страни и социјални мрежи ќе ги користите, за да се позиционирате ?
Содржинска стратегија – Што ви е потребно за да комуницирате со вашите потрошувачи за да биде забележан вашиот бизнис? Какви медиуми (текстуални, аудио, визуелни, графички) би можеле да ги искористите најефикасно? Како ќе продуцирате извонредна медиска содржина во секојдневното работење?
Откако ќе одговорите на овие прашања ќе имате, јасна слика за вашата стратегија.
