Најголемиот светски малопродажен ланец, американската компанија „Walmart“, одлучи да се здружи со „Google“ во електронската продажба.
„Нашата соработка со „Google“ ќе започне на крајот на септември. Ќе понудиме стотина илјади наши артикли кои корисниците ќе можат да ги нарачаат преку „Google Assistant“, се наведува во соопштението на „Walmart“.
„Walmart“ вети „најголема дистрибутивна понуда достапна на Google.“
И двете компании, иако тоа не го наведоа директно, сакаат да бидат конкурентни на „Amazon“, светскиот гигант за продажба на стока преку интернет и нејзина достава до купувачите.
