Салите за операции се привремено затворени на Клиниката за очни болести. Оттаму испратија соопштение во кое наведуваат дека ќе бидат згрижени само итните случаи.
„Клиниката за очни болести информира дека е во тек изведување градежни реконструктивни активности на оперативниот блок и поради ова хируршките сали ќе бидат затворени и нема да се вршат хируршки интервенции до 18 септември 2017 година. Сите итни случаи навреме се згрижени и во овој период пациентите се оперираат во септичната сала за хируршки интевенции“, пишува во известувањето од Министерството за здравство.
