Од први септември градинките треба да почнат да работат во две смени, соопшти министерката за труд и социјална политика, Мила Царовска.
Согласно со владината одлука донесена на 10 јули годинава, првите смени ќе бидат од 7:00 до 14:30 часот, а вторите од 14:00 до 21:30 часот. Ќе се работи и секоја прва сабота во месецот, од 8:00 до 16:00 часот.
Како што рече Царовска, Министерството е подготвено за отворање нови работни места, што како потреба ќе го наложи двосменското работење.
– Целта на двосменското работење е децата и родителите да ја добијат потребната грижа од јавите установи, напомена Царовска на прес-конференција и најави нови инвестиции во градинките, посебно во руралните средини.
