Растот на германската економија се забавува малку, соопштува „Ројтерс“.
Бруто домашниот производ во федералната република расте со 0,6% во вториот квартал во однос на претходниот, покажуваат податоците на статистичката служба „Destatis“. Тоа е под очекувањата за зголемување од 0,7 отсто. Вредноста во првиот квартал е ревидирана нагоре од 0,6 до 0,7%.
По измазнување на ценовните ефекти БДП-то расте со 0,8% на годишна основа, откако во првиот квартал стапката била 3,2%. „Destatis“ објаснува со фактот дека во вториот квартал имало 3 работни дена помалку во однос на истиот период од минатата година, а во првиот работните денови пак биле со 3 повеќе во споредба со периодот јануари-март 2016-та година.
Кога ќе се „испеглаат“ и овие календарски изобличувања, БДП-то во Германија во вториот квартал порасна за 2,1%. Според „Financial Times“ тоа е најострата годишна стапка на раст од 2014-та година.
Германската економија се прошири 12-ти по ред квартал, а невработеноста е на најниско ниво од обединувањето на земјата, па наваму. Канцеларката Ангела Меркел и нејзината Демохристијанската унија се очекува да победат на парламентарните избори на 24-ти септември. Меркел и министерот за финансии Волфганг Шојбле освен тоа успеаја да постигнат балансиран буџет.
