Утре со почеток во 11 часот во Домот на АРМ во Скопје како дел од активностите за одбележување 25 години од формирањето на АРМ ќе се одржи промоција на монографијата „Воени генерали во Македонија (1941-2017)“, во издание на здружението „Клуб на генералите на Р. Македонија“.
Книгата, чии автори се генералите во пензија Мирослав Стојановски и Борис Стојаноски, е проект кој е поддржан од Министерството за одбрана и Армијата на Република Македонија како значајна публикација за воената историја на Република Македонија.
На промоцијата ќе присуствуваат: министерката за одбрана Радмила Шекеринска, началникот на ГШ на АРМ, генерал-потполковник Методија Величковски, заменикот на министерот за одбрана, Беким Максути, поранешни министри и началници на ГШ на АРМ, претставници на Асоцијацијата на воени аташеи, голем број високи воени раководители и претставници од МО и АРМ, членови на клубот на генерали и други гости.
