Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 8,300.00 0.04%    GRNT 820.77 1.32%    KMB 5,051.35 0.95%    MPT 37,423.15 1.12%    MTUR 4,600.00 2.22%    OHB 6,426.63 -0.24%    OKTA 4,149.00 4.87%    POPK 14.00 0%    REPL 63,000.00 0%    RZLE 37.00 5.71%    RZLV 72.27 3.24%    RZUS 137.71 -0.25%    SBT 2,000.00 -4.25%    STB 951.72 0.07%    TEL 275.00 0%    TETE 2,224.70 -2.85%    TNB 13,774.92 1.56%    TTK 954.62 0.49%    UNI 2,556.67 0.56%    ZPKO 2,857.00 -0.03%    

Барокни дела и музика од Вајл вечерва на „Охридско лето“

Време: 08:37

Датум: август 11, 2017

Категорија: КУЛТУРА

Музичката програма на фестивалот „Охридско лето“ вечерва ќе донесе два концерти што ќе се одржат во црквата „Света Софија“.

Ансамблот „Маскерина“ од Франција ќе настапи со почеток во 20 часот и 30 минути. Ќе музицираат Себастијан Берета на барокна флејта, Мари Гијоми на виола да гамба и Николас Ватин на теорбо.

„Маскерина“ е основан од виолинистката Гијоми и лаутистот Никола Ватин минатата година за време на нивните студии во Версај. Ансамблот обединува музичари чиј основен интерес е барокната музика. Како дует или поголем ансамбл, „Маскерина“ се посветени на музичко истражување на репертоарот на европската барокна музика од 17 и 18 век, со посебен акцент на автентичната интерпретација на оригинални инструменти и на интеракција со публиката.

Досегашните концерти овој музички состав го водат во Париз, Версај, Марсеј, Бордо, Женева…. а настапуваат и со други ансамбли како Ревеус и Амичи Ме.

По завршувањето на концертот на „Масерина“, во 22 часот, Кабаре „Зборувај тивко“ ќе донесе дела од композиторот Курт Вајл.

Кабарето „Зборувај тивко“ го сочинуваат сопранистката Тијана Ѓуричиќ од Србија, пијанистката Ирина Наумовска од Македонија и српскиот хармоникаш Александар Будимир. Кабарето е обликувано да ги претстави сите фази на творештвото на Курт Вајл, со посебен акцент на делата настанати пред самото заминување од Германија, делата настанати за време на престојот во Париз и непосредно по доаѓањето во Америка.

Транспарентно тематски, стилски и хармонски се забележуваат интертекстуалните преклопувања на сè она што Вајл би го нарекол „живот“ во траење од 60 минути. Вајл е еден од најзначајните композитори на музика за сцена на минатиот век. Тој е роден во Германија, но поголем дел од животот го поминал во САД.

Неговиот авторски опус опфаќа бројни мјузикли, опери, оперети, кабареа од кои особено се истакнуваат оние кои се соработка со Бертолд Брехт. Вајл имал потполна контрола над драматуршката структура на своите дела и со тоа ја зголемувал силата и општественото значење на музиката што ја компонирал.

Отворените прашања на идеологиите, политиката и моќта на музиката како да го опседнувале секојдневно.

Композиторот никогаш не ги заборава своите корени и за разлика од многу други емигранти кои се бореле да го прикријат еврејското потекло, тој бил еден од првите кои обрнува внимание на Холокаустот и неопходноста на подигањето на јавната свест за страдањето на европските Евреи.

Сопранистката Ѓуричиќ е родена во 1983 година во Белград. Одреден период учи соло-пеење со Никола Китановски во Белград, а дипломира на ФИЛУМ во Крагуевац во класата на проф. Радмила Бакочевиќ. Експериментира на полето на звукот и теориски го испитува односот тело-простор-глас. Концертира интензивно (остварува повеќе од 150 самостојни и заеднички концерти) во Србија и регионот, Италија, Франција, Германија и Јапонија. Ѓуричиќ ја претставува српската современа музика премиерно изведувајќи дела на млади автори во 2013 година во Токио и Нагоја. Во заеднички проект со пијанистот Андрија Павловиќ ја претставува Србија на Прашкото квадриенале во јуни 2015 г. Дискографскиот опус го започнува со снимка на делата на Ѓуро Живковиќ „Ај шел контеплејт“ („I shall contemplate“) за сопран и камерен оркестар во 2011 година. Таа е член на Здружението на музички уметници на Србија и професорка на Нова академија во Белград и на Факултетот за технички науки во Нови Сад.

Ирина Наумовска е родена во Скопје (1983). Нижото и средно музичко образование го завршува во Скопје, а дипломира, магистрира и докторира со највисоки оцени на ФМУ во Белград во класата на проф. Јокут Михаиловиќ. Во текот на школувањето соработувала со уметниците: Варди, Накамура, Бероф, Вијардо, Штаркман, Флорес, Нерсесјан и Валдма. Настапувала на концерти и натпревари во Франција, Малезија, Америка, Јапонија, Италија, Грција, Бугарија, Швајцарија, Шведска, Русија, Австрија, Португалија, Шпанија, Чешка, Германија, Мароко, Србија и др. Таа е добитник на 7 меѓународни награди (Мароко, Франција, Италија, Србија, Бугарија) и на 7 први награди на државни натпревари во Македонија. Учествува на фестивали во Италија, Португалија, Австрија, Германија, Јапонија, Македонија („Охридско лето“ и „Скопско лето“). Настапувала со Македонската филхармонија, Швајцарскиот симфониски оркестар „Камерата Швајц“ и со Австрискиот симфониски оркестар. Реализирала аудио и видео-записи во Малезија, Мароко, Македонија, Швајцарија, Австрија, Јапонија и Србија. Во 2014 година Наумовска е член на Меѓународното жири на натпреварот „Охридски бисери“. Ги добила и наградите „Климентина Рафајловска“ и наградата на град Скопје „13 Ноември“. Таа е член на Меѓународната пијано-дуо организација во Токио.

Александар Будимир (Белград, 1989) ги направил првите музички чекори во класата на проф. Љубинка Барбариќ, а за време на академските студии учел во класата на проф. Радомир Томиќ, декан на Музичката академија во Крагуевац. Дипломирал како концертен изведувач-акордеонист во класата на проф. д-р Зоран Ракиќ, кај кого и магистрирал во 2015 година на академијата на Универзитетот во Источно Сараево. Посетувал семинари на светски професори, меѓу кои се истакнува соработката со Владимир Бесфамиљнов (Русија) и Воин Васовиќ (Србија). Го продолжува усовршувањето и на полето на етно-џез жанрот со проф. Драган Васовиќ. Тој е добитник на голем број награди на фастивали и натпревари во регионот и пошироко. Како педагог почнал да работи како професор по хармоника во музичкото училиште „Ватрослав Лисински“ во Белград од 2013 година, а од 2009 година редовно настапува со Тијана Ѓуричиќ, сопран, со која го оформуваат ансамблот „АМОС“.

КОМЕНТАРИ

НАЈНОВО ОД КАТЕГОРИЈАТА

  • Почна фестивалот на комедијата „Гола месечина“

    Почна фестивалот на комедијата „Гола месечина“

    Со урнебесната повеќепати наградувана босанска претстава „Једваносимсобоакаломистобо“ од Нејра Бабиќ и Алеш Курт, вчеравечер беше отворен меѓународниот фестивал на комедијата „Гола месечина“. Се работи за…

  • Почнува фестивалот на комедијата „Гола месечина“, седум претстави од Македонија, БиХ и од Србија

    Почнува фестивалот на комедијата „Гола месечина“, седум претстави од Македонија, БиХ и од Србија

    Со урнебесната повеќенаградувана босанска претстава „Једваносимсобоакамоломистобо“ од Нејра Бабиќ и Алеш Курт, вечерва на сцената на Театар „Комедија“ ќе биде отворен меѓународниот фестивал на комедијата…

  • Промоција на монографијата „Цртежи“ од Павле Кузманоски

    Промоција на монографијата „Цртежи“ од Павле Кузманоски

    Во мултимедијалниот центар на Матица од Скопје, во Паркот на Книгите, денеска во 12 часот ќе биде промовирана монoграфијата „Цртежи“ од Павле Кузманоски. За делото…

  • Промовирана монографијата „Скопје на поштенски марки – историја и мотиви“

    Промовирана монографијата „Скопје на поштенски марки – историја и мотиви“

    Познатите скопски филателисти Климе Поповски и Виктор Габер издадоа монографија со назив „Скопје на поштенски марки – историја и мотиви“. Во монографијата преставени се текстови…

  • Изложба на уметници инспирирани од европската и македонската литература – „Кроки во градината“

    Изложба на уметници инспирирани од европската и македонската литература – „Кроки во градината“

    Во галеријата Акантус се отвори изложбата „Кроки во градината“. На оваа изложба се претставени дела на десет еминетни уметници, Горјан Ѓорѓиев, Славица Јанешлиева Бачварска, Маја…

  • „Звукот на идната генерација“ со Македонската филхармонија

    „Звукот на идната генерација“ со Македонската филхармонија

    „Звукот на идната генерација“ е насловот на претстојниот симфониски концерт на Македонската филхармонија, кој ќе се одржи денеска во 20 часот. На концертот како солисти…

  • Postmodern Jukebox на 14 декември во Скопје – врвно кабаре во Македонската филхармонија

    Postmodern Jukebox на 14 декември во Скопје – врвно кабаре во Македонската филхармонија

    Една од најинтересните концертни атракции во светот, музичкиот колектив Postmodern Jukebox, на 14 декември ќе настапи во Македонската филхармонија. Postmodern Jukebox е музички колектив кој…

  • Почнува Баскерфест 2018-та

    Почнува Баскерфест 2018-та

    Вечерва во 19 часот ќе биде отворен 13-тиот по ред фестивал на улични изведувачи, Баскерфест 2018. Градскиот плоштад „Македонија“, шест дена од 12-17 јуни ќе…

  • „Звукот на идната генерација“ со Македонската филхармонија

    „Звукот на идната генерација“ со Македонската филхармонија

    „Звукот на идната генерација“ е насловот на претстојниот симфониски концерт на Македонската филхармонија, кој ќе се одржи в четврток (14 јуни) во 20 часот. На…

  • Писателите ќе се збогуваат од Матеја Матевски со читање на негови стихови

    Писателите ќе се збогуваат од Матеја Матевски со читање на негови стихови

    Во четврток (14.06.2018 година), со почеток во 12 часот, во просториите на Друштвото на писатели на Македонија ќе се одржи средба под наслов НЕКАДЕ ЅВОНИ:…