Владата во Киев го раскина меѓувладиниот договор со Русија за соработка во извозот на вооружување и воени техники на трети пазари, пренесува ТАСС.
Преку договорот, потпишан во 2003 година, а кој украинската влада го одобри на 24 март 2004 година, двете страни се обврзаа дека ќе одржуваат и развиваат кооперативни односи на планот на развојот и производството на воени техники, пренесува ТАСС.
Исто така, двете земји се обврзаа дека ќе соработуваат во извозот на воено вооружување на трети пазари.
Украинскиот претседател Петро Порошенко во 2014 година забрани соработка со Русија кога станува збор за воена индустрија, додава ТАСС.
