Од денес бензините и дизелот поскапуваат еден денар за литар. Со одлуката на Регулаторната комисија за енергетика (РКЕ) се врши зголемување на рафинериските и на малопродажните цени на нафтените деривати во просек за 3,58, односно 2,28 отсто.
Новата малопродажна цена на „евросупер БС-95“ ќе изнесува 62 денара за литар, „евросупер БС-98“ ќе се продава за 63,5, а „евродизел“ (Д-Е V) за 48 денари за литар.
Со одлуката на РКЕ за 1,5 денар за литар се зголемува малопродажната цена на екстра-лесното масло за домаќинство (ЕЛ-1) и ќе изнесува 37 денари, а мазутот М-1 НС поскапува за 0,516 денари за килограм и ќе чини 24,197 денари.
Како причина за зголемувањето на малопродажните цени на нафтените деривати од РКЕ ги посочуваат 6,89 отсто повисоката просечна цена на суровата нафта на светскиот пазар во изминатите 14 дена и 1,97 отсто понискиот курс на доларот во однос на денарот.
