Трговскиот дефицит на САД падна во јуни на најниското ниво во осум месеци, поради силниот раст на извозот, покажаа објавените податоци на американското Министерство за трговија.
Трговскиот дефицит во јуни е намален за 5,9 проценти на 43,6 милијарди долари, што е најголемиот месечен пад во четири месеци и e над проценките на аналитичарите кои предвидуваа негово намалување од 3,2 проценти, пренесува агенцијата Франс прес.
Извозот на стока е зголемен за 1,2 проценти на 194,4 милијарди долари, најмногу од декември 2014 година, поради растечката странска побарувачка за американската соја, компјутерската опрема и други производи, известува агенцијата АП.
Вкупниот увоз паднал за 0,2 проценти на 238 милијарди долари поради побарувачката за мобилни телефони и уредите за домаќинство.
Сепак, во досегашниот тек на годината трговскиот дефицит е зголемен за 10,7 проценти во однос на истиот период минатата година, на вкупно 276,6 милијарди долари.
Дефицитот во трговијата значи дека САД купуваат повеќе стока и услуги од другите земји отколку што им продаваат на тие земји, објаснува АП.