Кина ја започна денес изградбата на втората по големина во светот хидроцентрала (ХЕЦ) „Бајхетан“ на реката Цзинша (притока на Јангцег при преминувањето на југозападните провинции Сечуан и Јунан). Моќноста на објектот ќе биде 16 гигавати, соопшти кинеската централна телевизија, цитирана од агенциите.
Предвидено е најнапред централата да биде претставена во 2021-ва година, а до крајот на 2022-ра година да биде завршена целосно. Просек продукција ќе биде 62,4 милијарди киловат-часови. Ова, како што истакна телевизискиот канал, е околу две третини од енергетската потрошувачка на Пекинг за 2015-та година.
Комплексот ќе вклучува 16 хидраулични турбини со моќност од 1 гигават секоја. Површината во која ќе се собира водата на браната ќе биде 430.000 квадратни километри, што е околу 91 проценти од базенот на реката Цзинша.
Браната, која се гради уште од 2008-ма година, ќе биде околу 300 метри висока. По нејзиното завршување ќе биде втора по големина во Кина и четврта во светот. За реализација на проектот, чија вредност не е соопштена, властите ќе преселат кон 100.000 жители од провинциите Сечуан и Јунан.
Најголемата хидроцентрала во светот исто е кинеска – „Трите грла“ („Санса“ на кинески), лоцирана на реката Јангцег (провинција Хубеи, централна Кина), со моќност од 22,5 гигавати. На второ место во моментов е централата „Итаипу“ на реката Парана меѓу Бразил и Парагвај, потсетуваат агенциите.