Европската унија ќе го разгледува можното влијание на американските санкции против Русија врз европските проекти, соопшти портпаролката на Европската комисија, Мина Андреева.
„Го проучуваме спроведувањето на санкциите и ќе разгледаме дали тие влијаат врз европските проекти и врз интересите на Европската унија – изјави на пресконференција Андреева.
Според неа, ЕК ќе ги разгледува сите случаи и ќе биде многу внимателна, а доколку санкциите влијаат врз европските компании „ќе биде подготвена да делува“.
Американскиот претседател Доналд Трамп вчера го потпиша законот со кој се одобрува засилување на санкциите кон Русија, Иран и Северна Кореја.
