Кои модели автомобили се најпопуларни во одделни држави во Европа? На ова прашање се обидоа да одговарат експертите од „JATO Dynamics“, пишува весникот „Autocar“.
Два автомобили – „Renault Clio“ и „Skoda Octavia“, имаат најмногу продажба во 5 држави од ЕУ. Францускиот хечбек победи во својата татковина, како и во Хрватска, Холандија, Португалија и Словенија. За возврат чешката машина е најпосакувана дома, а исто така во Естонија, Финска, Полска и Швајцарија.
Во Германија најуспешен е лидерот во цела Европа – „Volkswagen Golf“, кој може да се пофали и со први места за продажба во уште три европски држави. Тоа се: Белгија, Австрија и Норвешка.
За возврат Данците го преферираат „Peugeot 208“, а Грците – „Toyota Yaris“. Во Унгарија најбаран е „Suzuki Vitara“, во Ирска – „Hyundai Tucson“. Во Словачка се купува „Skoda Fabia“, а во Велика Британија – „Ford Fiesta“. Најпопуларниот модел во Латвија е „Nissan Qashqai“, а во Литванија – „FIAT 500“.
Друг „FIAT“, имено „Panda“ ја освои битката за клиенти во Италија. Шпанците исто вложуваат во сопственито модел – „SEAT Ibiza“. Патриотски се поставени Романците и Швеѓаните, кои купуваат соодветно „Dacia Logan“ и „Volvo S90/V90“.
