Владата размислува да вработи дополнителен број социјални работници за повеќе центри за социјална работа во Македонија.
На вчерашната седницата беше разгледан и утврден исто така предлог-законот за измени и дополнување на Законот за социјалната заштита за кој беше констатирано дека предвидува значително унапредување на правата на лицата со попреченост и беше заклучено дека Владата треба да го предложи овој предлог за измени и дополнувања на усвојување во Собранието на Македонија.
Исто така, беше разгледан и утврден и предлог-законот за изменување и дополнување на Законот за заштита на децата, со кој се предвидува продолжување на додатокот за деца со посебни потреби по службена должност.
Владата ја разгледа и усвои и информацијата за можноста за вршење периодични здравствени прегледи од страна на здравствени работници од Министерството за здравство на корисниците во дневните центри за деца и лица со пречки во развојот. На овој начин полесно ќе се утврди нивната здравствена состојба. За таа цел беше задолжено Министерството за труд и социјална политика во рок од 15 дена да иницира работна група со Министерството за здравство, која ќе работи на реализација на оваа активност.
