Слободното движење на луѓето меѓу Велика Британија и Европската Унија ќе заврши во март 2019 година кога Британија ќе го напушти европскиот блок, изјави портпаролот на британската премиерка Тереза Меј.
„Другите елементи на имиграцискиот систем по брегзит ќе бидат усвоени во догледно време. Би било погрешно да се шпекулира како би можело да изгледа тоа или да се прогнозира дека слободата на движење ќе продолжи да функционира како денес“, изјави портпаролот на британската премиерка.
