Новиот американски закон со кој се воведуваат поостри санкции кон Русија ќе влијае на европските земји кои соработуваат со таа земја во енергетскиот сектор и на крајот може да дојде до конфликт со меѓународното право – изјави германската министерка за економија и енергетика Бригит Зиприс.
Таа ја повика Европската Унија да размисли за воведување противмерки кон САД.
„Веруваме дека тоа е кршење на меѓународното право. Америка не може да ги казнува германските компании поради соработка со други земји“ – дополни министерката Зиприс.
Таа, сепак, истакна дека Европа не сака трговска војна со САД и затоа секогаш е подготвена на координирано делување со Вашингтон по прашањата за санкциите.