Градоначалникот на општина Кисела Вода денес додели 74 решенија за легализација на дивоизградени објекти. Со тоа, од досега поднесените 13.855 барања, бројот на легализирани бесправно изградени објекти се искачи на 5.561.
Oпштина Кисела Вода ќе продолжи да работи со несмалена динамика на заокружувањето на процесот на легализација и ги повикува сите граѓани што ја немаат докомплетирано документацијата што побргу да ја достават до административните служби.
Крајниот рок за комплетирање на новоподнесените барања што пристигнаа во продолжениот рок даден од Владата истекува до крајот на 2017 година.