За да овозможи продолжување на работите за изградба на автопатот Демир Капија – Смоквица, Владата усвои одлука која е во насока на помош на МЕПСО да обезбеди имотен лист за далноводите што се наоѓаат на трасата и кои треба да бидат поместени.
Владата истовремено ги задолжи надлежните државни претпријатија, заедно со ЕВН, да предложат системско решение за овие прашања со оглед на тоа дека постојат и други вакви проблеми токму на автопатиштата чија изградба е почната без претходно да се решат отворени имотни прашања.
