Кина останува земјата наведена прва како извор на фалсификувана стока, во извештај на Европската комисија (ЕК). Околу 80% од увезената фалсификувана стока е со потекло од азиската држава.
Од податоците се гледа уште дека во 2016-та година во заедницата влегле вкупно 41,3 милиони фалсификувани стоки, а вредноста ми се проценува на речиси 673 милиони евра. Бројот на фалсификуваните стоки се зголемува за 2%, но вкупно случаите при кои се пресретнати, се намалуваат за 22% – до 63,1 илјади во 2016-та година.
Кина е јасен лидер со 80% од сите фалсификувани стоки во заедницата. Постојат меѓутоа држави, кои се „специјализирани“ во одделни категории на стоки. На пример Сингапур е изворот на најмногу фалсификувани алкохоли, Иран на облека, Хонг Конг и Кина на мобилни телефони, техника и автомобилски делови, а Индија на лекови.
Најголемиот удел на лажните стоки во ЕУ паѓа на цигарите – 24% од сите фалсификувани стоки. Главните извори се Виетнам и Пакистан. Следуваат играчките (17%) и прехранбените производи (13%).
„Високото ниво на заштита на интелектуалната сопственост е од клучно значење за економскиот раст и создавањето на работни места“, коментира комесарот за прашањата на економијата, даноците и царинската унија, Пјер Московичи, цитиран од прес-службата на ЕК.
Тој коментира уште дека фалсификуваните стоки не се само проблем за конкурентноста, но и ја доведуваат во прашање безбедноста и здравјето на луѓето.
