Португалија ги исполни условите за добивање на следната транша од спасувачкиот план за земјата, јави ДПА, повикувајќи се на соопштение на министрите за финансии на земјите од еврозоната.
Заедно со следната транша од 2,1 милијарда евра, Португалија добива и продолжување на намалувањето на кредитите.
Министрите за финансии од еврозоната постигнаа согласност дека португалските власти прават напори за спроведување на програмата за заздравување на португалските финансии и за враќање на земјата на финансиските пазари.
Одлуката за одобрување на следната транша од помошта за Португалија треба да биде одобрена од националните парламенти на земјите од еврозоната.