Британската агенција за статистика „Regtransfers“ го објави своето истражување за тоа кои марки се продаваат најдобро во одделните држави во светот.
Резултатите се за 2016-та година, а во нив влегуваат како автомобили, така и комерцијални возила. Лидер во најмногу држави – 49, е компанијата „Toyota“.
Картата е прилично шарена (види ја во голема резолуција), но јасно покажува дека јапонскиот производител е далеку пред сите останати. На второ место е „Volkswagen“, кој го зазема првото место според продажбата во 14 земји, а на третата позиција е рангиран „Ford“. Американската марка победи во 8 држави.
Во Македонија, како што е познато, најдобро се претставува Dacia. Романскиот бренд е лидер уште во својата татковина, како и во Молдавија, Бугарија и Мароко.
Интересно е дека според истражувањето на „Regtransfers“ во 2016-та година во целиот свет се продадени 88,1 милиони нови автомобили. Во исто време друга агенција – „JATO Dynamics“, уште во февруари објави резултат од 84,2 милиони примероци.