Велика Британија за прв пат призна во писмен документ дека ќе мора да плати финансиски средства на Европската унија при излегувањето од блокот, обидувајќи се да го смири спорот над т.н. сметка за „Brexit“, коментира „Bloomberg“.
„Владата јасно покажа дека ќе работи заедно со ЕУ, за да утврдиме праведно решавање на правата и обврските на Велика Британија како земја членка која излегува“, рече заменик-министерот за „Brexit“, Џојс Анелеј, член на Домот на лордовите, кој во четвртокот во писмена изјава пред парламентот во која експлицитно се зборува за „финансискиот договор“ со ЕУ. „Владата признава дека Велика Британија има обврски кон ЕУ, и ЕУ кон Велика Британија, кои ќе останат по повлекувањето на Велика Британија – и тие треба да бидат решени“.
Т.н. сметка за излегување на Велика Британија стана едно од најконтроверзните прашања во преговорите за „Brexit“, а според медиумите износот може да достигне 100 милијарди евра. Премиерот Тереза Меј треба да постигне согласност со своите колеги од ЕУ за плаќањето, бидејќи тоа е една од трите сфери, заедно со правата на граѓаните и границата со Ирска, на кои ЕУ бара „доволен напредок“, пред да започнат преговори за идната врска на Велика Британија со блокот.
Изјавата на Анелеј се сложуваа со воинствен тон на министерот за надворешни работи, Борис Џонсон од пред само два дена. Одговарајќи на прашања пред парламентот, тој се согласи со евроскептик од Филип Холобоун кој предложи министерот за надворешни работи „јасно да покаже на ЕУ дека ако тој (сојузот) сака и еден денар повеќе“ од Велика Британија како дел зделката за „Brexit“, ЕУ „може да си ја гледа работата“. Џонсон одговори дека „сумите кои сум ги видел и сакаат од оваа земја ми изгледаат изнудвачки и сметам дека“ да си ја гледаат работата „е апсолутно соодветен израз“.
Премиерот на Луксембург Ксавиер Бетел изјави на 29-и април дека сумата ќе биде 40 или 60 милијарди евра. Иако медиумите претпоставуваат повисока сума, главниот преговарач на ЕУ Мишел Барние не објави јавно конкретна бројка.
