Монтажата и поставувањето на вртелешката наспроти Министерството за надворешни работи е во завршна фаза, соопшти ЈП „Паркови и зеленило“.
Од таму велат дека каруселот ќе почне со работа следната недела. Вртелешката привремено ќе биде на оваа локација. Кога Луна паркот ќе биде завршен, каруселот ќе биде префрлен таму.
Ова е втора вртелешка во Скопје. Првата е поставена на кејот на Вардар, во близина на плоштадот „Македонија“. Вредноста на вториот карусел изнесува 11.500.000 денари, што е повисока од првиот рингишпил.