„ОПЕК“ (Организацијата на земјите извознички на нафта) ја задржи прогнозата за светската побарувачка на нафта во 2017-та година во обем од 96,38 милиони барели дневно, се наведува во извештајот за јули на картелот, цитиран од агенциите.
Без промена останува и прогнозата за растот на светската побарувачка во 2017-та година на нивото од 1,27 милиони барели дневно. Побарувачката на нафта во светот во 2018-та година, според ОПЕК, ќе биде со 1,26 милиони барели дневно поголемо отколку во тековната година и ќе достигне 97,6 милиони барели дневно.
Побарувачката на нафта на членките на „ОПЕК“ во 2017-та година, според прогнозата на организацијата, ќе биде со 300.000 барели дневно над нивото од минатата година, за да порасне до 32,3 милиони барели дневно. За 2018-та година овој показател се очекува да биде 32,2 милиони барели дневно.
Производството на нафта во Саудиска Арабија е зголемено во јуни во однос на мај со 51,300 барели дневно до 9,95 милиони барели дневно, забележуваат експертите на „ОПЕК“.
Генерално ископувањето на 14-те земји членки на „ОПЕК“ во јуни е зголемено во однос на мај со 393,500 барели до 32,6 милиони барели дневно. Најголемо зголемување е забележано во јуни во Либија, Нигерија, Ангола, Ирак и Саудиска Арабија.
Саудиска Арабија е најголем извозник на нафта во „ОПЕК“ и е посветена на најзначајното намалување на производството на „црното злато“ според договор „ОПЕК +“, забележува „ТАСС“.
