Градот Скопје ги известува граѓаните дека вториот наврат на авионската дезинсекција против возрасни форми од комарци во 2017 година, на подрачјето на Град Скопје, ќе се одвива на 14 и 15 јули (петок и сабота) во раните утрински часови.
Доколку временските услови не го дозволуваат вршењето на терестичната дезинсекција, истата ќе се изврши првиот нареден ден, кога временските услови ќе бидат поволни, соопштуваат од Градот. Се известуваат пчеларите навремено да ги преземат потребните мерки за заштита на пчелите.
