Познатиот американски економски магазин „Forbes“ објави дека „BMW“ е најсилниот автомобилски бренд во светот. Германскиот производител се рангираше на деветото место на светската листа на најсилни брендови.
Со вредност на брендот од 26.3 милијарди долари и приход од 73.7 милијарди долари, „BMW“ е позициониран пред „Toyotа“ која се најде на 14-то место, која инаку е најголемиот производител на возила во светот. Минхенската компанија воедно ги надмина и брендовите како што се „Ciscо“, „Oracle“ и „Samsung“.
Следниот автомобилски гигант е „Mercedes“ кој се најде на 16-то место, а зад него следат „Honda“ на 19-то место, „Audi“ на 32-то „VW“ нa 45-то и „Ford“ нa 59-то место. Во Топ 100 листата се најдоа и уште „Hyundai“ нa 71-то , „Nissan“ нa 76-то и „Lexus“ нa 87-то место.
Именуваниот за најсилен светски бренд од страна на „Global 500“, италијанскиот производител на спортски автомобили „Ferrari“, не се најде на листата на „Forbs“.
Инаку врвот на листата го завзема „Apple“ додека зад него се наоѓаат „Microsoft“, „Coca-Cola“, „IBM“ и „Google“. Меѓу Топ 10 се наоѓаат уште и „Intel“, „McDonalds“, „General electric“, „BMW“ и „Cisco“.
