Голем дел од дипломираните студенти во Велика Британија успеваат да ги исплатат своите студентски долгови во просек дури кога ќе наполнат 50 години. Три четвртини од нив сепак никогаш не ги исплаќаат целосно своите обврски, пишува „Bloomberg“, повикувајќи се на студија на Институтот за фискални студии.
За додипломски студии на Островот на крајот студентите должат во просек по 51.000 фунти (66 илјади долари) поради високите такси и најскапата алиментација во земјата.
Студенти од семејствата со најниски приходи завршуваат со највисоки нивоа на долг достигнувајќи и 57.000 фунти. Обврските на една третина од најсиромашните студентите се зголемуваат за околу 30% од 2012-та година, а за една третина од најбогатите долговите се зголемуваат со помалку од 10%.
Според извештајот Велика Британија е на прво место по студентски долгови во развиениот свет.
Истражувањето покажува дека обуката во поевтините специјалности, како уметност и хуманитарни науки, поскапува многу повеќе (47%) во споредба со многу поскапи специјалности, како инженерските науки, при што растот во трошоците достигнуваат 6% во периодот меѓу 2011-та и 2017-та година.
На почетокот на годината стана јасно дека до 2020-та година е безбедно финансирањето на европските студенти во Велика Британија, независно од референдумот за заминувањето од Европската унија.
Според информациите бруцошите, кои ќе почнат да учат во Велика Британија во септември-октомври 2017-та година, може да се сигурни дека во текот на целиот период на студирањето ќе можат да се потпрат на британските заеми и на шкотските субвенции за покривање на студирањето.