Обемот на продажбата на мало во Европската унија во мај 2017-та година се забавува, иако останува позитивна, имајќи го предвид растот од 0,2% во однос на претходниот месец, кога зголемувањето беше од 0,5%. Ова го покажуваат сезонски прилагодените податоци на „Еуростат“, објавени денеска.
Во еврозоната сепак се забележува повеќе сериозен раст на обемот на месечна основа. Во петтиот месец од годината зголемувањето било од 0,4% во однос на 0,1% во април.
Во споредба со истиот месец минатата година се забележува значително забавување – растот на обемот на продажбите и во двата региона бил од 2,6%.
Според „Еуростат“ зголемувањето на обемот на месечна основа во еврозоната се должи главно на растот на автомобилските горива (од 1,7%) и на непрехранбените производи (од 0,6%). Во исто време, сепак категоријата „храна, пијалоци и тутун“ забележува намалување од 0,4%.
Што се однесува до ЕУ, главна причина за растот во обемот на продажбата на мало е зголемувањето од 1,2% на автомобилските горива и од 0,3% на непрехранбените производи, а категоријата „храна, пијалоци и тутун“ и тука е со намалување од 0,4%.
Меѓу земјите членки најголемо покачување при продажбата на мало се забележува во Романија (4,3%), Литванија (1,8%) и Унгарија (1,7%), а најсериозно намалување во Финска (-1, 2%), Словенија и Велика Британија (по -0,9%).
Годишниот раст на продажбата на мало во еврозоната се поддржува од непрехранбените производи со 3,5%, категоријата „храна, пијалоци и тутун“ со 2,1% и автомобилските горива со 0,9%. Слична е ситуацијата во ЕУ како целина, а растот кај непрехранбените производи совпаѓа, но кај категоријата „храна, пијалоци и тутун“ и автомобилските горива тој е од 1,7%.
Најсериозно зголемување на обемот на продажбата на мало во однос на мај 2016-та година се забележува во Романија (14%), Словачка (7,9%) и Ирска и Словенија (по 7,7%).
