Samsung најавува 5G мрежа

Во некои земји се уште немаат 4G мобилна мрежа, а „Samsung“ веќе најави дека на корисниците до 2020-та година ќе им овозможи да бидат поврзани со ултрабрзата 5G. Од јужнокорејската компанија порачуваат дека оваа мрежа ќе има брзина од неколку десетици „Gbps“ по базна станица и дека ќе биде стотина пати побрза дури и од „4G LTE“ технологијата која се уште не е во употреба. Според проценките од „Samsung“ со таква брзина на пример ќе се овозможи симнување на филм за помалку од една секунда.

Во „Samsung“ велат дека со користење на 64 антенски елементи го решиле проблемот со неповолните карактеристики при ширењето на брановите кои досега го попречуваа преносот на податоци на поголема раздалеченост. Во тестовите на фрекфенцијата од „28 GHz“ е постигната брзина нешто повеќе од „1Gpbs“ на раздалеченост која достигнала 2 километри.