По спасувањето на „Veneto Banca“ и „Banca Popolare di Vicenza“ во регионот Венето во североисточна Италија сега следната проблематична банка која е во центарот на вниманието е „Banca Carige“ од Џенова. Нејзиниот борд на директори ќе се сретне наскоро, за да разговара за капиталните планови.
Деветтата по големина банка во земјата треба да обезбеди свеж капитал по барање на Европската централна банка (ЕЦБ) и да го намали уделот на лошите кредити во својот паричник. Со тоа банката се соочува со третото покачување на капиталот од 2014-та година. На берзата во Милано акциите на „Carige“ паднаа за 6% до 20 центи за кеш.
Реструктуирањето се одолговлекува поради спорот на раководството. Неодамна поранешниот менаџер на „UniCredit“, Паоло Фиорентино беше назначен за нов главен извршен директор на „Carige“. Неговиот претходник беше принуден да ја напушти функцијата по само една година на позицијата. Двајцата имале различни ставови во однос на вистинскиот начин на акција за надминување на кризата.
Со капитален недостиг од 600 милиони евра, „Carige“ ќе предизвика многу помалку главоболки отколку „Veneto Bancа“ и „Banca Popolare di Vicenza“, за кои владата во Рим планира да обезбеди до 17 милијарди евра.
Збирот доведе до големо олеснување во внатрешниот банкарски сектор. „Работите се чини конечно се менуваат на подобро“, вели директор на водечка банка, кој побарал анонимност. „Се разбира, се уште има цела планина од лоши кредити, но таа постепено се намалува. „Carige“ е проблем, но далеку повеќе помал отколку банките „Veneto“, додава тој.
