Францускиот парламент со големо мнозинство ја поддржа економската програма на владата со 370 гласови „за“, додека 67 од нив биле против, а 129 воздржани од вкупно 577 пратеници.
За програмата се гласаше откако премиерот Едуар Филип ја изнесе пред парламентот владината програма која предвидува намалување на корпоративните даноци и покренување на „големиот инвестициски план“ вреден 50 милијарди евра во областите кои ја вклучуваат животната средина, здравството, земјоделството и сообраќајот.
Француската влада до 2022 година постепено ќе го намалува корпоративниот данок од сегашните 33,3 проценти на 25 проценти, изјави Филип.
Потребно е компаниите да сакаат да се основаат и да се развиваат на нашите простори, а не на некои други“, изјави Филип во обраќањето пред пратениците во парламентот, известува агенцијата Франс прес.
Тој додаде дека со тоа намалување на даноците Франција ќе биде „ускладена со европскиот просек“.