Компанијата „Sharp“ во склоп со планот за реструктуирање ќе започне со отпуштање на работници. Во рок од три години се очекува бројот на вработени да биде намален за 5000, а во моментов на платниот список на компанијата се наоѓаат 51.000 работници.
Исто така мерките за реструктуирање се однесуваат и на управата, ќе биде преполовен бројот на директори на шест луѓе, а ќе биде намален и бројот на потпретседатели и платените советници. Освен во Јапонија откази се очекуваат и во Кина и Малезија.
Фокусот на производството ќе биде префрлен на екраните на мобилните уреди, а исто така најавени се вложувања во развојот и производството на големите екрани со „UHD“ резолуција кои ќе имаат дијагонала поголема од 70 инчи.
Се очекува „Sharp“ својот тригодишен план за реструктуирање јавно да го објави за една недела.