Катар достави официјален одговор на 13-те барања на земјите од Заливот.
Одговорот е доставен до Емирот од Кувајт, шеикот Сабах Ал Ахмад Ал Сабах, кој е посредник во заливската криза.
Засега не се познати деталите во одговорот на Катар.
Саудиска Арабија и нејзините сојузници рано утрово го продолжија ултиматумот до Катар за 48 часа.
Списокот на барања од Катар вклучува затворање на медиумскиот гигант Ал Џезира, прекин на односите со Иран и затворање на турската воена база во Катар. Тие барања беа доставени до Доха на 22 јуни, со рок за одговор од 10 дена.
Саудиска Арабија, Обединетите Арапски Емирати, Бахреин и Египет ги прекинаа дипломатските односи со Катар на 5 јуни, обвинувајќи ја Доха дека поддржува тероризам и одржува блиски врски со Иран, која е регионален ривал на Саудиска Арабија.