Руското министерство за финансии планира годишно да се задолжува на глобалните пазари на капитал по три милијарди долари во периодот од 2018-2020 година.
Тоа го изјави рускиот министер за финансии Антон Силуанов, кој на заседавањето на Владата изјави и дека буџетскиот дефицит на Русија ќе падне на 1,6 проценти од бруто домашниот производ (БДП) во 2018 година, пренесува агенцијата Франс прес.
Руското министерство за финансии претходно овој месец собра три милијради долари, благодарение на силната побарувачка на глобалните инвеститори за руските еврообврзници, потсетува британската агенција.
