Растот на резервите во САД ги забави цените на нафтата во среда на меѓународните пазари под 47 американски долари (УСД), обновувајќи ја загриженоста дека завршувањето на периодот на прекумерно снабдување е уште далеку.
На лондонската берза цената на барелот беше речиси непроменета во однос на претходното затворање и изнесуваше 46,56 УСД.
Позначителни промени немаше ниту на американскиот пазар, каде што барелот се тргуваше по цена од 44,07 УСД.
ОПЕК одвоено објави дека цената на барелот на референтната кошничка на неговата нафта во вторник изнесувала 44,23 УСД, што значи дека била за 1,09 УСД повисока во однос на претходниот работен ден.
