48% од Британците веруваат дека владата треба да ги зголеми даноците во земјата, за да одвојува повеќе средства за здравството, образованието и социјалните придобивки.
Други 44% сакаат даноците да останат исти, а најмал удел од анкетираните – само 4%, инсистираат за намалување на даноците на Островот, пренесува „CNN“.
Податоците откриваат највисока поддршка во насока на зголемување на даноците од 2004-та година, покажува истражувањето на невладината организација „British Social Attitudes“, а резултатите можат да се прифатат и како знак дека Британците не гледаат добро на буџетските кратења.
Владата на Велика Британија гледа во насока на тешки намалувања на трошоците во социјалната сфера, како замрзнување на платите во јавниот сектор, за да се справи со буџетскиот дефицит во годините по финансиската криза.
Британскиот „Црвен крст“ посочи претходно оваа година дека здравствениот систем во земјата се соочува со „хуманитарна криза“ како резултат на отпуштањата и високата побарувачка на здравствените услуги.
Политиката за намалување на трошоците беше сериозен предизвик пред последните парламентарни избори, што беше почувствуван од актуелниот премиер Тереза Меј, која загуби мнозинството во парламентот.
Од друга страна, Џереми Корбин, кој ветуваше за време на предизборната кампања да ги прекине буџетските кратења, ја изведе Лабуристичката партија до најдобрите изборни резултати од 2001-ва година, кога на чело беше Тони Блер.
Анкетата на „British Social Attitudes“, која се објавува еднаш годишно, покажува дека голем дел од Британците ги поддржуваат повисоките трошоци во однос на пензиската политика и законот.
Над 70% од испитаниците сакаат дополнително финансирање на образованието, а 83% велат дека здравството треба повеќе средства.
Меѓутоа постои еден сериозен проблем пред сето тоа. Британија гласаше за излегување од Европската унија и нема слободни средства, за да ги задоволи ставовите за повисоки трошоци во горенаведените области.
„Одложувањето се економија, потенцијално тешкиот излез од ЕУ и евентуална камата на пристапот до кредит се соочат истовремено на патот на Обединетото Кралство“, вели Јел Селфин, економист во „KPMG“.
Инцидентот со пожар во станбена зграда, кој загинаа 79 лица, фрли дополнително внимание врз политиките за намалување на трошоците. Многу други слични згради се соочуваат со истиот ризик, а жителите одамна се жалат на недостаток на внимание од страна на властите.
Џереми Корбин ги обвини отпуштањата на трошоците за фаталниот инцидент. „Кога го намалуваат буџетот на локалните власти со 40%, ние сите ја плаќаме цената на безбедноста“, рече водачот на Лабуристичката партија.
