Италијанската Влада одвои 5,2 милијарди евра за двете банки за кои Еропската централна банка наведува дека „пропаѓаат или ќе пропаднат“.
Италијанскиот премиер Паоло Џентилони наведе дека од клучна важност e да се осигура да не се наруши бавното закрeпнување на италијанската економија со „неадекватната“ пропаст на банките „Veneto“ и „Banca Popolare di Vicenza“.
Џентилони истакна дека постапката на Владата на вонредниот состанок е насочена кон зачувување на „штедачите, сопствениците на сметки, работните места на вработените во двете банки, што е во корист за економијата на регионот“.
Тој, исто така напомена дека од клучна важност е да се одржи „добра состојбата во банкарскиот систем“ кој во Европа се смета за слаба точка во италијанската економија.
Двете банки се наоѓаат во регионот Венето на северот на Италија кој е еден од најпродуктивните во таа земја.
Министерот за економија Пјер Карло Падоан им порача на италијаните дека ситуацијата на шалетерите на банката по викендот ќе биде нормална.
