Театарската претстава „Мурлин Мурло“ од Николај Кољада, во режија на Ана Батева, на театарот „Антон Панов“ од Струмица, е поканета да гостува на Меѓународниот театарски фестивал „Кољада-plays“ во Екатерингбург, Русија.
„Мурлин Мурло“ беше премиерно изведена во јуни 2016 година. Во камерната драма настапуваат Стојан Велков-Трн, Оливера Аризанова, Васил Михаил и Јасмина Вучкова, која ја замени Анкица Бенинова.
Претставата имаше десет изведби на матичната сцена и гостување на Штипско лето.
Меѓународниот театарски фестивал „Кољада-plays“ е со натпреварувачки карактер: во конкуренција се 25 претстави од Русија, Унгарија, Романија, Србија и Македонија. Фестивалот се одржува од 20 до 30 јуни, а струмичани настапуваат на 22 јуни.