По одлуката на САД да се повлече од Парискиот договор, Советот на ЕУ потврди дека тоа е соодветно и не може да биде предодговорено. Во Луксембург беше закажана седница на екоминистрите од земјите членки на Унијата.
Договорот е амбициозен, но не е обврзувачки, а тоа им овозможува на секоја од земјите да го следи својот пат, за да даде придонес кон целите кои служат за борбата против климатските промени, што го загрозува развојот, мирот и стабилноста во целиот свет, се вели во соопштението објавено од страна на Советот на ЕУ.
Таму се наведува дека Советот изразува „најдлабоко жалење“ по повод одлуката на САД. И ги поздрави бројните соопштенија за преземање на обврска за Парискиот договор како од земји со големи економии, така и од малите островски држави.
Советот на ЕУ потсетува дека овој договор обединува околу 200 земји и е поддржана од региони, градови, општини, претпријатија, како и други недржавни учесници од целиот свет.
„ЕУ и нејзините земји-членки продолжуваат да бидат обединети и безусловно ангажирани со целосно и брзо спроведување на Парискиот договор и потсетуваат за посебната одговорност на големите економии, на кои отпаѓаат околу 80% од емисиите на глобално ниво“, се вели во заклучокот.
Таму се декларира дека и во иднина ќе продолжи водечката позиција на ЕУ во борбата против климатските промени преку задржување на порастот на просечната температура на глобално ниво, како и дека ќе биде зачуван финансискиот ангажман на ЕУ за постигнување на целта развиените земји да мобилизираат 100 милијарди долари годишно до 2020-та година за активности во областа на климата во земјите во развој.
„Ние заедно ќе го исполниме Парискиот договор, бидејќи тоа е наш заеднички интерес и наша одговорност“, се изјавува во пораката.