Над 4500 невработени лица ги завршија обуките предвидени за помош на сите кои бараат работа преку ИПА проектот „Поддршка за вработување млади лица, долгорочно невработени и жени 2“, а 680 од нив веќе најдоа и трајно вработување.
Ова го порача директорот на Агенцијата за вработување, Влатко Поповски, на завршната конференција на ИПА прооектот вреден 2.045 милиони евра што денеска се одржа во Скопје, нагласувајќи дека со 97 проценти од предвидените средства успеале да ги исполнат целите што ги имале за вклучување на лицата кои имаат потреба од вработување.
