Европската унија и британската влада со заедничко соопштение објавија дека преговорите за излез на Британија од Унијата, ќе почнат во понеделник на 19 – ти јуни, пренесува Ројтерс.
Државниот секретар за излез на Велика Британија од ЕУ, Дејвид Дејвис и главниот преговарач на ЕУ, Мишел Барние, се договорија денеска за почнување на преговорите за Член 50 (од Лисабонскиот договор) на 19-ти јуни, стои во соопштението на владата во Лондон.
Како што пренесува Ројтерс, од ЕУ е потврдено дека првиот состанок за Брегзит ќе биде одржан во понеделник.
