Унгарски компании се заинтересирани да учествуваат во спроведувањето на различни проекти од областа на инфраструктурата, енергетиката и на туризмот во Македонија.
За ова денеска беше информиран министерот за економија, Крешник Бектеши, на средбата со амбасадорот на Унгарија во Македонија, Ласло Иштван Дукс.
„Двајцата соговорници изразија задоволство од воспоставувањето директни летови на релација Будимпешта – Скопје – Будимпешта, од страна на нискобуџетната компанија „Виз ер“, што е причина повеќе за брзото зголемување на деловните посети и на туристите во двете земји“, информираат од министерството. Економската соработка меѓу двете земји е во постојан пораст и трговската размена е зголемена двојно.
