Владите на Германија, Данска и Белгија го поддржаа планот за изградба на 60 гигавати нови ветерни капацитети во следната деценија. Така ветерните паркови во светот ќе бидат зголемени за пет пати.
Проектот предвидува изградба на новите ветерници во крајбрежните зони на трите држави. Во него учествуваат 25 компании, вклучувајќи „Dong Energy“ – еден од најголемите играчи во секторот на развојот на ветерни паркови.
Компаниите се договориле да ги здружат своите инвестиции и да ги намалат трошоците за изградба на парковите.
Според податоците на „Bloomberg New Energy Finance“ во моментов инсталираните ветерни капацитети по крајбрежјето е 13,8 гигавати. Во последните години цената на електричната енергија од ветрните централи се намали значително. Само во 2016-та година падот е во рамките на 22 отсто.
