Меѓународниот монетарен фонд ММФ ја зголеми проценката за економскиот раст на Кина за тековната година на 6,7 проценти.
Тоа е трет пат оваа година ММФ да ја подобри проценката, откако во април ја зголеми проекцијата на 6,6 проценти од јануарските 6,5 проценти, што исто така беше за 0,3 процентни поени повеќе од претходнaтa проценкa, пренесува агенцијата Ројтерс.
Растот на кинеската економија, како што сега очекува ММФ, ќе изнесува просечни 6,4 проценти годишно во периодот од 2018 до 2020 година, додека во април, оваа меѓународна институција проектираше за 2018 година раст од 6,2 проценти.
ММФ исто така, и препорача на Кина да ги забрза реформите со цел нејзината економија да прејде на одржлив раст.
