Од утре роамингот на територијата на Европската Унија ќе биде бесплатен.
„Укинувањето на роаминг трошоците е вистинска европска приказна за успехот. Од овој момент граѓаните кои патуваат во ЕУ за повици, пораки и за интернет преку своите мобилни уреди ќе плаќаат иста цена како дома. Укинувањето на роаминг трошоците е еден од најголемите конкретни успеси на ЕУ “, се вели во соопштението.
Операторите имаа две години да се подготват за укинување на роаминг трошоците. Во ЕУ се убедени дека тие ќе ги искористат предностите од новите правила во корист на своите клиенти. Укинувањето на роаминг трошоците е еден од темелите на единствениот дигитален пазар на ЕУ.
