Кина изрази остар протест против новите воведени антидампинг мерки од Европската унија за некои производи од челик, нарекувајќи ги овие мерки како неправедни и избезумени.
„Кина ја става под огромно сомнение законитоста на одлуката на Европската комисија“, се вели во соопштението на претставникот на кинеското Министерство за трговија Ван Хецзон.
Европската комисија објави вчера обесштетувачки мерки за кинеските производи, кои според неа имаат корист од државни субвенции, спречуваат слободната конкуренција.
Царините, со кои се оданочува топло валаниот челик од Кина, користен во бродоградбата, гасните шишиња и други садови под притисок, може да достигнат 35,9%, се наведува во соопштението.
Истрага, иницирана од ЕК во мај 2016-та година, покажа дека кинеската индустрија користи „повластени кредити“ и „враќање на данок“, кои и овозможуваат да ги одржуваат „вештачки недооценентите цени“ на извозните пазари.
Пекинг сепак возврати дека мерката на Комисијата се должи на неразбирање на системот за финансиски заеми и развојот на трговијата во Кина.
Во комуникето на кинескиот трговски Заводот е наведено дека Европската комисија го игнорира фактот дека извозот на челик од Кина за Европа дефинитивно е намален во 2016-та година. Ван истакнува дека Пекинг не само што не го субвенционира извозот на челик, но освен тоа има преземено мерки да го контролира.
