Падот на малопродажните цени на нафтените деривати во Македонија се должи на големиот пад на цените на нафтата на светските берзи.
Од последната корекција на цената од страна на Регулаторната комисија за енергетика, цената на барел нафта се спушти за околу 5 долари.
Бензините поевтинуваат за 1,5 денари, а дизелот за 2,5 денари по литар, одлучи денеска Регулаторната комисија за енергетика.
Од полноќ, ЕУРОСУПЕР БС-95 ќе се продава за 62,5 денари по литар а ЕУРОСУПЕР БС-98 за 64,5 денари по литар.
Новата цена на ЕУРОДИЗЕЛ-от ќе изнесува 48 денари за литар.
За 2,5 денари поевтинува и маслото за домаќинство кое ќе се продава по 36,5 денари.
Новата цена на горивата ќе почне да важи од полноќ.
