Според официјалното соопштение на компанијата станува збор за “мала количина” заразени чоколадни производи.
Производителот на чоколади “Марс” повлече од пазарот во Велика Британија и во Ирска седум серии на свои производи поради сомнение дека може да содржат салмонела.
Компанијата потенцира дека станува збор за “мала количина” заразени чоколади, а меѓу нив се трите типа млечно чоколадо “Галакси”, чоколадните дражеи и други.
Ова не е прв пат, “Марс” да повлекува свои производите од странскиот пазар.
Минатата година компанијата нареди масовно повлекување на свои десерти од марките “Марс”, “Сникерс”, “Милка Веи” и “Мини микс” од 55 држави од целиот свет.