Тајната се крие во богатството од магнезиум, калиум и калциум со кои оваа билка располага.
Ако расположението не ви е на завидно ниво, а притоа и нервите ви се напнати, пред да посегнете по разни таблети, земете целер и изгрицкајте го. Овој природен лек за смирување дури и Хипократ го препорачувал на своите пациенти, знаејќи колку е делотворен.
Тајната се крие во богатството од магнезиум, калиум и калциум со кои оваа билка располага, што влијае на ублажувањето на напнатоста. Освен тоа, високиот процент на течности и минималното ниво на калории ја прави идеална во борбата со вишокот килограми.
Едно стебленце целер содржи 83 проценти вода и здрави количини на влакна, па се намалува чувството на глад. Калиумот и натриумот со кои изобилува помагаат во регулацијата на телесните течности и го стимулираат производството на урина, а притоа ги отстрануваат токсините од организмот, па целерот претставува сјаен диуретик.
